a1:1Jon 14:6
b1:1Jon 1:1,3
c1:1Luk 24:48; Jon 1:14; 19:35; 2 Pita 1:16; 1 Jon 4:14
d1:2Jon 1:1-4; 11:25; 14:6
e1:2Jon 15:27
f1:2Jon 1:1-4
g1:31 Kor 1:9
h1:51 Tim 6:16
i1:6Jon 3:19-21; 8:12; Efes 5:8; 1 Jon 2:11
j1:61 Jon 2:4; 4:20
k1:7Aes 2:5
l1:8Jer 2:35; Rom 3:9,19; Jem 3:2
m1:81 Jon 2:4
n1:9Sam 32:3-5; 51:2; Prov 28:13
o1:9Jer 31:34; Maeka 7:18-20; Hib 10:22
p1:10Jon 5:38

1 John 1

1

Nəgkiarien Mragh

  • Yakamhani-ərhav Nəgkiarien kape Nɨmraghien. a Kwasɨg ikɨn Kughen rɨmnor narɨmnar fam, Nəgkiarien e rɨmnəkupən marə. b Kɨmawə yɨmɨsərɨg, kɨni mɨsəm kɨn nɨmrɨmawə, c kɨni mharap kɨn kwermɨmawə.
 2Kɨni Nəgkiarien ai rɨtərhav-pə; d yɨmɨsəm, masarer-ərhav mamhani-ərhav, e kɨni mamhani-pre mɨn tuk əmiə mə In e In nɨmraghien rerɨn. Iriu Rɨmtawə Kughen, kɨmwəkupən mwarə, kɨni rɨmnajiərhav-pə tuk əmawə. f 3Yakamhani-ərhav-pre tuk əmiə narɨmnar yamə mɨne yakməsəm kɨni mwəsərɨg-ta, mə kɨmiə mɨn takhauə kɨsor kɨrikianə kɨtawə-m kɨmiə. Kɨtawə Rɨmtawə Kughen mɨne Tɨni Yesu Kristo tukhauə kɨrikianə. g 4Yakamharai narɨmnar mɨnə e mə tukror rɨkitawə ramagien pɨk əmə.

Nəriwəkien ye nɨkhakien

5Nəgkiarien e in e yɨmɨsərɨg tukun kɨni mhani-ərhav-pre tuk əmiə, mə Kughen, In nɨkhakien, h kɨni nəpɨgnapien rɨrkək əfrakɨs iran. 6Tukmə kɨtawə kamhani mə kwənhauə kɨrikianə kɨtawə min, mərɨg kɨtawə kaseriwək əmə ye nəpɨgnapien, i kɨtawə kaseikuə, kɨni mhapəh nɨsarəyen ye nəfrakɨsien. j 7Mərɨg tukmə kaseriwək ye nɨkhakien, rəmhen kɨn yame Kughen ramarə ye nɨkhakien, k kɨtawə kwəsor kɨrikianə kɨtawə min; kɨni nɨtaw Yesu, Ji Kughen, rɨmnəspir rɨkitawə tuk nahasien m-fam, mor kɨtawə kɨsatuatuk ye nɨmrɨ Kughen.

 8Mərɨg tukmə kɨtawə khamə khapəh nɨsorien təvhagə hah, l kɨni mɨseikuə atuk əmə irətawə, kɨni nəfrakɨsien rɨrkək irətawə. m 9Kughen In ratuatuk, to rapəh nakapɨrien nəgkiarien kafan. Kɨni tukmə kɨtawə khani-ərhav təvhagə hah kapətawə, n In tukrəspir ətawə, məru-kɨn norien has mɨfam kapətawə, mə tuksatuatuk ye nɨmrɨn. o 10Mərɨg tukmə kɨtawə khamə khapəh nɨsorien təvhagə hah, kɨtawə kasor mə Kughen In yeikuə, kɨni nəgkiarien kafan rapəh nəmɨrien ye nɨmraghien kapətawə. p
Copyright information for NWI